(Ռատիօ Վատիկան) Յուլիս 21-ին եւ 22-ին, աշխարհի մեծ քաղաքներու քաղաքապետերը, Վատիկան ժամանած են, մասնակցելու գիտութեանց ու ընկերային գիտութեանց քահանայապետական կաճարներու նախաձեռնութեամբ կազմակերպուած խորհրդաժողովին որուն նիւթն է ‘’բարօրութիւն, ժողովուրդներ ու մոլորակներ’’։
Նիւ Եորքի քաղաքապետը` տիար Պիլ Տէ Պլազիօ մեկնաբանելով հաւաքին նպատակը ըսաւ. Ֆրանչիսկոս Քահանայապետը համաշխարհին ղեկավար մըն է, կլիմայի յեղաշրջումին ու եկամուտի անհաւասարութեան հայող հարցերուն, որոնք աշխարհի քաղաքներուն համար կը ներկայացնեն ամենամեծ մարտահրաւէրները''։
''Քաղաքապետերու հանդիպումը պիտի կեդրոնանայ այն հարցումին թէ ի՞նչպէս քաղաքները, կրօնական հասարակութիւնները ու այլ հասարակութիւններու պետեր` կարող պիտի ըլլան ազդու օրէն համագործակցիլ հակազդելու ապականութեան ու պայքարելու ապագայ սերունդներու աղքատացումին երեւոյթին դէմ'' կը գրեն քաղաքապետերը։
Փարիզի քաղաքապետ տիկին Ան Հիտալկօ իր համոզումը յայտնած է թէ հարկաւոր է դիմագրաւել թէ արդի ստրկութեան գրաւը եւ թէ կլիմայի փոփոխութիւնները, միացնելով տեղական հասարակութիւններու քաղաքական ու հոգեւոր ոյժերը։
21 Յուլիսի երեկոյեան ժամը 5-ին ֆրանչիսկոս Քահանայապետը հանդիպում կ՛ունենայ համային աշխարհէն եկած մեծ քաղաքներու քաղաքապետերուն հետ անոնց ուղղելով ճառ մը։
22 Յուլիսին քաղաքապետները պիտի մասնակցին այլ հանդիպումի մը` կազմակերպուած ՄԱԿ-ի համագործակցութեամբ, որուն նիւթն է ''քաղաքներուն մէջ մնայուն զարգացումը''։
Յայտնենք որ քահանայապետական գիտութեանց ու ընկերային գիտութեանց կաճարները 25 տարիէ ի վեր յանձնառու են կլիմայի փոփոխութեան հարցին նկատմամբ, փորձելով հարցին շուրջ զգայնութիւն արթնցնել։ Կաճառները նաեւ կը պայքարին ստրկութեան երեւոյթին դէմ, նկատի առնելով որ աշխարհի մէջ անոնց թիւը հասած է 25 միլիոնի։
ֆրանչիսկոս Քահանայապետի խնդրանքին վրայ գերապայծառ Սորոնտօ`Քահանայապետական ակադեմիայի դիւանապետը, բազմաթիւ հանդիպումներ կազմակերպած է եպիսկոպոսներու ու ոստիկանութեան միջեւ, նոյնպէս հանդիպումներ կազմակերպած է կրօնապետերու միջեւ, որոնք` անցեալ Դեկտեմբեր 2014-ին , միացեալ յայտարարութիւն մը ստորագրած են դատապարտելով ստրկութիւնը։
Կը նախատեսուի որ քաղաքապետերը իրենց կարգին ստորագրեն վերոյիշեալ յայտարարութիւնը ու այդ ուղղութեամբ դրական յանձնառումներ որդեգրեն։
All the contents on this site are copyrighted ©. |